香港排球里程埤-陳志威


陳志威(陳威)生於1993年4月18日,身高195公分,體重95公斤。現時就讀韓國慶熙大學(Kyunghee University),亦是香港室內排球甲一組球隊(龍隊)的成員。陳威中學就讀喇沙書院,在中學校際排球賽事中奪獎無數,更曾經代表香港學界體育聯會(學體會)於全國中學生排球比賽中奪得冠軍。中學畢業後,陳威升讀香港大學專業進修學院,首年便帶領香港大學排球隊勇奪香港大專排球比賽冠軍。2013年,陳威首次代表香港參加俄羅斯世界大學生運動會,更在是次比賽中成為得分最高的攻擊手,冠絕世界列強。是次比賽就是陳威人生的轉捩點,因為他出色的表現得到韓國慶熙大學主教練的垂青,主動向這名香港史上最強的副攻/接應二傳招手。而陳威當然沒有錯失是次機會,隻身離鄉別井,追尋自己的排球夢。

「陳威能夠獲得首次職業隊的選秀資格,

這可謂是他人生的一大里程埤。」

相信大家都會十分好奇,究竟是什麼驅使陳威願意放低香港的一切,隻身赴韓追夢。大家估下,係「愛」定係「責任」呀?他說道:「係希望挑戰下自己,想知道自己打排球可以去到幾「高」和幾「遠」,機緣巧合之下遇到今次機會,而且韓國排球係世界中亦都處於一個好高既水平,所以最後決定放棄香港既東西,隻身黎到呢度追夢。」

此時,筆者又追問陳威,你在韓國讀書這幾年有什麼苦與樂呢?他想了一想說:「係韓國讀書的「苦」當然係最初言語不通既問題同埋好大的訓練量,而且相對香港,係韓國簡直可以話係冇自由咁滯,因為呢度有規定幾點就要返,唔可以太夜,而且每日既上堂加訓練,已經令到個人好累好累。 但「樂」就係可以打高水平既排球比賽,同埋趁年輕可以出黎睇下個世界有幾大,了解下唔同國家既文化,對我無論係做人處事定排球都有好大既幫助。」由此可見,陳威係韓國既生活一定非常之刻苦,因為他每日都需要訓練,什至乎每日兩課訓練,再加上在一個言語不通的地方讀書,除了要學習課本上的知識外,他比別人要花更多的時間學習韓文,他的追夢生涯真的十分艱苦。

今年,雖然陳威暫時仍未能得到韓國國藉,但陳威仍能夠獲得首次職業隊的選秀資格,這可謂是他人生的一大里程埤。對於失落上一年的選秀資格,陳威有這樣的感受:「對於上一次參加唔到選秀,其實開始對自己既前途同當初既決定有懷疑,質疑自己當初既決定岩唔岩,但唔開心左一段時間之後同自己講,決定左黎韓國就要繼續努力,唔可以就咁放棄!」最後,陳威能夠得到選秀資格,相信香港每一個認識佢既排球人都會替佢開心,即使成敗得失也好。

另外,陳威亦都好想藉著今次的既機會多謝一些人:「我最想多謝的當然係家人,特別係父母,雖然佢地已經離開左,但當初如果唔係佢地既支持,我都唔會行到呢一步,亦都唔會有機會去參加選秀,更加唔會有咁大動力去比心機訓練,向住目標進發。另外,仲有係呢段日子幫過我同埋支持我既人,我都好想去多謝!」筆者都好希望藉呢個機會,令到香港有更多既排球人支持「陳志威」 最後,陳威對於香港既排球亦都有一些願景:「希望香港排球可以發展得更好,令到更多人有機會去外國打波,比其他人知道其實打排球都可以係其中一種職業而不再只係局限於興趣。」而呢樣正正都係筆者既願景,希望香港既排球發展可以追趕什至超過其他項目,令到有更多陳威既出現。


Featured Posts
Recent Posts
Archive
Search By Tags
No tags yet.
0
This site was designed with the
.com
website builder. Create your website today.
Start Now