日本「竹」印 香港球員大阪跟操之旅


就算練習有幾創新或沉悶,都會不斷要求自己做好每一球,

呢個一定係香港排球員要學既態度!

你唔會諗到香港業餘排球員會有機會可以去到日本同職業隊打波,首先一定多謝游sir既協助。呢到有總督(總教練)助教,訓練員,技術指導,物理治療師 同經理人組成既團隊,甚至會搵埋心理學家,同班球員上心理課。同香港比已經差好遠。教練包既波唔會飄走,實實正正打落黎,雖然球員係練波當返工咁,每日大概2節,10-12,15-18,練習前,快攻會開波,L會接波,而setter會升波。唔會好似香港咁,得閒接下波,得閒升下波。每次下午都會有fdly對大學隊,大學隊會由8點練到12點,再起體育館訓一至兩個鐘,再準備3點鐘既比賽,無論幾早幾攰都好有士氣。

老實講,同佢地練習,你話冇壓力就假,同你練緊波個d,可能係現役國家隊或者廿四人名單,又或者係退役國家隊,撿波都跑去撿,地下一濕,即加跑出去抹地,人地個個都積極過你,你點敢有差池,就算你同佢猜波都好,都覺得大壓力,cup錯腕,接失球,你都覺得好似哂人時間咁。好彩,人地冇嫌你唔得,總算會教你,總算會幫下你,老實講佢地冇義務照顧你!起Sakai(堺市) or Osaka,佢地係明星,有球迷會,有觀眾黎睇佢地練波友誼賽。有觀眾會特登等佢地練完波,球迷會送上禮物給他們。

練完波做完體能,都可以去制冰機拎冰,同一堆cool down用既器材!做完占,有recovery 既粉同bcaa既粉,練習完就補充。即使打排球係佢地工作,佢地都會早開工,遲收工,完全唔會覺得佢地返工,fdly打得唔好,有人會自己去做多課占加操,有人會打繼補救返fdly錯既位置。

今次旅程,無論起自己球員同教練既角色,都能夠開眼界,無論同體驗到點解人地可以優勝過我地。好好裝備自己,來年再拼過!


最大得著:態度決定一切! 就算練習有幾創新或沉悶,吹毛求疵既佢地,都會不斷要求自己做好每一球,呢個一定係香港排球員要學既態度!


禮貌 - 可能係大家忽略一點 每次入球館,無論球員教練,甚至來自大學隊既學生,儘管未必必認識你,都會向你點頭打招呼。對面場走個波黎你邊場,佢地會跑黎向你道歉。球品會影響球技,愈有禮貌既球員,可能成為愈好球技既球員。既然球技未必有太大進步,不如做好第一步,向你地既隊友教練多多禮儀!🤔🤔

🤔 轉捩點 最後,沒想到一張白紙(香港練習生),背後有咁多意義。那時,我和呀時剛練習後,打算沖涼之際,沒想到游sir拎住張白紙,表情十分感動,一邊哭一邊收回張白紙,感歎著一班日本球員,知道我們來自香港,開心我們和一班球員打成一片。儘管實力有差異,但為我們的表現感動!

Sakai Blazers堺隊是一支參與日本最高級別職業聯賽(V-LEAGUE) 的男子排球隊, 位於日本大阪堺市, 成立於1939年。堺隊自2006年升班至V-LEAGUE後曾兩度奪冠 (2010-2011/ 2012-2013), 去年則以第四名完成賽事。

文: 香港龍隊排球會成員 - 黃永俊

圖: 黃永俊 Facebook

#VLeague #日本 #日本職業排球職賽 #大坂 #堺市 #Osaka #SakaiBlazers #龍隊排球會

Featured Posts
Recent Posts
Archive
Search By Tags
No tags yet.
0
This site was designed with the
.com
website builder. Create your website today.
Start Now