排球潮文 第二章 南華 Vs 龍隊 (下)之 賽後敢言


比賽結果南華以3:1擊敗龍隊,結束了一年一度既南龍大戰,比賽過程不在此詳細敘述,大家可以透過YouTube/ 龍隊專頁及Carman Lau既Facebook收看番賽事! 咁今仗究竟有咩亮點 有咩值得吹下水? 先講「奇兵」,龍隊有「活躍小子」楊騫誠做「奇兵」,佢左飛一球 右飛一球,二四號跳起又攔一球,為龍隊貢獻不少!但講「奇兵」他還不是主角,今場真正「奇兵」是南華會既陸震豪,保守估計他的扣球式發球直接得分有4-5分,破壞進攻的發球也不少,前排進攻也變得乖巧,多以「中拳」或「輕拳」去避過龍隊的長城陣,後排也有建攻,所以本人選他成為今場賽事既「Factor player」!有人話陸震對親龍隊都打高兩班波,但根據個人臨床經驗,對賽時又唔系真系打高兩班波,我發現:「陸震對住蕭昌鴻會打高兩班波」先正確!箇中因由,自己分析😏! 至於「MVP」「澳門電視塔」蔡偉傑 升球手 能令球隊五點開花 正所謂人人有飯開 皆大歡喜!除此之外,本人最欣賞老蔡今場選擇何時Jump Set ; 何時二段;何時彷傳;以及何時唔Set滴死對方。彷如行雲流水,買大開大,買細開細,贏盡掌聲!最後,做到以上兩點已經難,佢仲送多幾球直接攔死比你,無可說吧!今場MVP唔單止盲既都識揀 連我「龍」既都識揀! 坦言,南華會球員既個人能力一向不用懷疑,但見微就知著,從有紀律既熱身及cool down,球員換入換出時場上其他球員既激勵,以及教練暫停或場外指示時球員的眼神及反應。可見其團隊精神上的進步!此仗抵贏! 龍隊方面 一向在比賽時均會場上場下打出五味真火,衰d講句:「底褲都押埋上枱同你打」。個種既原始又野性的爭勝欲望唔多唔少被五年冠沖淡了一點。希望龍系上下找回感覺,讓球迷及對手們再欣賞到這股獨有的氣勢! 豪仔 2/6/2016 #中唔中立天決定最緊要好睇多謝


Featured Posts
Recent Posts
Archive
Search By Tags
No tags yet.
0
This site was designed with the
.com
website builder. Create your website today.
Start Now